Իսրայէլացի միլիառտիրոջ պատկանող բեռնանաւը Հնդկական ովկիանոսի վրայ ենթարկուած է հաւանաբար իրանական անօդաչուի գրոհին, շաբաթ օր АР գործակալութեան տեղեկացուցած է Միացեալ Նահանգներու պաշտպանութեան նախարարութեան ներկայացուցիչը։
Նշենք, որ «CMA CGM Symi» նաւու վրայ յարձակումը տեղի ունեցած է ուրբաթ օր։
Գործակալութեան հետ անունը չնշելու պայմանով զրուցած Պաշտպանութեան Նախարարութեան ներկայացուցիչը յայտնած է, որ նաւը, որ կը նաւարկէ Մալթայի դրօշակի ներքեւ, «միջազգային ջուրերուն մէջ գտնուելով՝ ենթադրաբար գրոհի ենթարկուած է Shahed-136 անօդաչուի կողմէ», որ եռանկիւնաձեւ է եւ ռումբ կը կրէ։
Անոր խօսքով՝ անօդաչուն պայթած է, որու հետեւանքով նաւը վնասուածք ստացած է, բայց անձնակազմէն ոչ ոք տուժած է։
«Մենք կը շարունակենք ուշադիր հետեւիլ իրավիճակին»,- ըսած է Փենթակոնի պաշտօնական ներկայացուցիչը։
Ան չէ նշած, սակայն, թէ ամերիկացի զինուորականները ինչ հետախուզական տուեալներ հաւաքած են, որոնք թոյլ կու տան ենթադրելու, որ Իրան կանգնած է գրոհի ետեւը ։
«Յարձակումը, ամենայն հաւանականութեամբ, նպատակաուղղուած էր, քանի որ նաւը կապուած է Իսրայէլի հետ Eastern Pacific Shipping ընկերութեան միջոցով»,- AP-ին ըսած են Ambrey մասնաւոր հետախուզական ընկերութենէն։
Symi նաւը կը պատկանի Eastern Pacific Shipping սինկափուրեան ընկերութեան, որ կը վերահսկուի իսրայէլացի միլիառտէր Իտան Օֆերի կողմէ։