-3.91c
Երեվան
հնգ, դկտ 25
Դեկտեմբերի 26-ին Ն.Ս.Օ.Տ.Տ. Գարեգին Երկրորդ Ամենայն Հայոց Կաթողիկոսն ընդունեց սոյն թուականի նոյեմբերի 13-ին Մասեացոտնի թեմի առաջնորդանիստ Սուրբ Յովհաննէս Աւետարանիչ եկեղեցում քահանայական կոչմանն արժանացած եւ Մայր Աթոռում քառասնօրեայ պատրաստութեան շրջան անցած նորաօծ վեց քահանաներին` առաջնորդութեամբ Մայր Աթոռ Սուրբ Էջմիածնի լուսարարապետ Գերաշնորհ Տ. Մուշեղ եպիսկոպոս Բաբայեանի:
Վեհափառ Հայրապետն իր օրհնութիւնը բերեց քահանայ հայրերին հովուական ծառայութեան կոչուելու առիթով եւ նրանց մաղթեց Աստծու զօրակցութիւնն ու առաջնորդութիւնն իրենց ծառայութեան ընթացքին` ընդգծելով, որ եկեղեցականի ծառայութիւնը պէտք է ուղեկցուի անձնազոհ եւ յանձնառու ոգով, իր կոչմանն ու առաքելութեանը հաւատարիմ լինելու բարձր գիտակցութեամբ:
Ամենայն Հայոց Կաթողիկոսը քահանայ հայրերին պատգամեց, որ այս դժուարին ժամակաշրջանում, առաւել քան երբեւէ, կարեւոր է եկեղեցականի ամբողջական եւ նուիրեալ ծառայութիւնը ժողովրդին` հաւատ եւ յոյս ներշնչելու հայորդիներին, ամրացնելու նրանց լաւատեսութեան ոգին, սերմանելու հայրենիքի, ազգային ու հոգեւոր արժէքների նկատմամբ անսակարկ սեր եւ նուիրում:
Հանդիպման վերջում Նորին Սրբութիւնը օրհնեց քահանաներին` նրանց ընծայելով ձեռաց խաչեր եւ սուրբ Հաղորդութեան մասնատուփեր:
