26.09c
Երեվան
չրք, սպտ 18
Ազգային Ժողովի նախագահ Ալեն Սիմոնեան յայտարարութիւն տարածած է օրերս իր մասնակցութեամբ միջադէպի վերաբերեալ:
Յայտարարութիւնը կը ներկայացնենք ստորեւ.
«Սիրելի հայրենակիցներ, ընկերներ, հաշուի առնելով, որ փողոցում ինձ հետ տեղի ունեցած միջադէպը շարունակում է քննարկուել` ուզում եմ արձագանգել։
Նախ շնորհակալութիւն եմ յայտնում այն բոլոր մարդկանց, որոնք այս օրերին ինձ սատար են կանգնել եւ ուզում եմ մէկընդմիշտ փակել այս խոսակցութիւնը՝ թոյլ չտալով, որ մեր երկրի առաջ ծառացած լուրջ խնդիրների կողքին նման կենցաղային թեման շարունակի շրջանառուել։
Այո, ժողովրդավարութիւնը ենթադրում է, որ պաշտօնեան պէտք է եւ կարող է քննադատուել, ինչու ոչ` կարող են նաեւ սադրանքներ տեղի ունենալ։ Մեր խնդիրն է դրանց չտրուելը։
Ես ցաւում եմ, որ ինձ ուղղուած անձնական վիրաւորանքից հունից դուրս եկայ: Վստահ եմ, որ արժանապատւութիւն ունեցող որեւէ հայ մարդ չէր հանդուրժի նման վիրաւորանքը, սակայն ընտրուած պաշտօնեայի վրայ դրուած բարձր պատասխանատւութիւնը պիտի զսպող դեր ունենայ:
Սա նաեւ դաս է ինձ համար, որովհետեւ, ամենայն հաւանականութեամբ, ես եւ մեր թիմի այլ ներկայացուցիչներ ապագայում էլ կը բախուենք նման իրավիճակների հետ:
Նաեւ սա պատշաճ առիթ է քաղաքական ընդդիմութեան համար, որ վերջինս վերանայի իր հռետորաբանութիւնը, անձնական վիրաւորանքներ հասցնելու իր մարտավարութիւնը եւ վերադառնայ քաղաքակիրթ բանավէճի դաշտ:
Տուեալ դէպքի կապակցութեամբ ուզում եմ ներողութիւն խնդրել Հայաստանի Հանրապետութեան բոլոր ՔԱՂԱՔԱՑԻՆԵՐԻՑ»։
