4.09c
Երեվան
երք, փտր 11
Սուրիոյ Տէր Զօր նահանգը եւ անոր շրջակայից գաւառները յայտնուած են լուրջ սպառնալիքներու տակ: Այս մասին կանխազգուշացումներ հնչեցուցած է ՄԱԿ-ը յայտնելով, որ Սուրիան ականատես կրնայ ըլլալ մեծ ջրհեղեղներու: Աղբւրը նաեւ կը փոխանցէ, որ Տահէշ ահաբեկչական խմբաւորման միտումնաւոր գործողութիւններուն հետեւանքով «Ալ Թապաքա» շրջանի գլխաւոր ջրամբարը յայտնուած է կործանման վտանգին առաջ: Կը հաղորդուի նաեւ, որ Տահէշ ասկէ 3 շաբաթներ մեծ վնասներ հասցուցած է ջրամբարին ու ապա ընդհանրապէս հեռացած այդ հատուածէն:
Յիշեցնենք, որ Սուրիոյ մէջ մեծագոյնը համարուող ջրամբարին բարձրութիւնը կը հասնի 60 մերթրի իսկ լայնքը ՝ 4.5 Քլմ.ի : Տահէշ «ալ Թապաքա» շրջան մուտք գործած է 2014-ին եւ իր տիրապետութեան տակ առած Եփրատի ափին գտնուող քաղաքի եւ շրջանի մեծագոյն ջրամբարը:
ՄԱԿ-ի կողմէ այս մասին հրապարակուած հաղորդագրութիւնը կը նշէ, որ ջրամբարի փլուզման հետեւանքները շատ ծանր եւ աղետալի կրնան ըլլալ Ռաքքա եւ Տէր Զօր նահանգներուն համար:
