17.58c
Երեվան
չրք, հլս 01
Լիբանանեան տարբեր աղբիւրներ տեղեկութիւններ հրապարակած են, այն մասին, որ եւրոպական եւ ամերիկեան կողմեր մեծ ճիգեր կը գործադրեն հիմնականապէս խանգարելու համար սուրիացի գաղթականներու հարցին վերաբերեալ ռուսաստանեան ծրագիրը:
Յիշեցնենք, որ ամիսներ առաջ Մոսկուա պաշտօնապէս յայտարարած էր, թէ կարեւոր ճիգեր պիտի գործադրէ Սուրիոյ շրջակայից երկիրներուն մէջ տեղակայուած գաղթականները իրենց երկիրը վերադարձնելու համար:
Այս մասին նաեւ յատուկ յօդուած մը հրապարակած է լիբանանեան «Ալ-Ժումհուրիյա» օրաթերթը:
Օրաթերթը, որ յայտնի է ուղղափառ եկեղեցւոյ մօտիկ եղող թերթ մը ըլլալու հանգամանքով, հրապարակած է Ճորճ Շահին անունով լրագրողին յօդուածը, ուր ան մանրամասնութիւններ կը փոխանցէ իր ունեցած տուեալներուն մասին, կապուած՝ Ռուսաստանի կողմէ առաջ քաշուած ծրագիրը խանգարելուն:
Յօդուածին մէջ կ'ըսուի նաեւ, որ Միացեալ Նահանգներ մեծ ճնշումներ կը բանեցնէ եւրոպական իր գործընկերներուն վրայ, արգիլելու համար որեւէ զօրակցում, որ կը միտի յաջողցնել ռուսաստանեան ծրագիրը:
Նոյն ծիրին մէջ, Լիբանանի մէջ ապրող հարիւրաւոր սուրիցաներ սկսած են վերադառնալ Սուրիոյ այն շրջանները, ուր դրութիւնը ապահով է:
