9.09c
Երեվան
հնգ, հկտ 08
Թուրքիոյ Ազգային անվտանգութեան խորհուրդը նիստի ժամանակ, որ նախագահած էր Ռեճեփ Թայիփ Էրտողան, հանդէս եկած է արտակարգ դրութեան ռէժիմի երկարաձգման որոշումով: Այս մասին կը հաղորդէ «ՌԻԱ Նովոսթի» գործակալութիւնը: «Մեր քաղաքացիներու իրաւունքներու եւ ազատութիւններու ապահովման արդիւնաւետութեան նպատակով որոշում կայացուած է արտակարգ դրութեան ռէժիմի շարունակութեան վերաբերեալ»,-կ'ըսուի հաղորդագրութեան մէջ:
Անվտանգութեան խորհուրդը կ'առաջարկէ նաեւ շարունակել «Եփրատի վահան» գործողութիւնը, որպէսզի ամրապնդուի սահմաններու անվտանգութիւնը եւ այդ տարածքներուն մէջ ոչ թռիչքային գօտի պահպանուի:
Նշենք, որ յուլիսի վերջը Թուրքիոյ վարչապետ Պինալի Եըլտըրըմ յայտարարած էր, որ երկիրը պիտի չերկարաձգէ արտակարգ դրութեան ռէժիմը՝ երեք ամիսը լրանալէ ետք:
