24.09c
Երեվան
երք, հկտ 20
Աֆրինի շուրջ պատերազմական գործողութիւնները կը շարունակուին: Այս մասին տեղեկութիւն փոխանցող լրատուական աղբիւրներ կը յայտնեն, որ երէկ Թուրքիոյ բանակի 7 զինուորներ սպաննուած են երբ քիւրտ զինեալներ հարուածած են թրքական թանկ մը:
Կը հաղորդուի նաեւ, որ 20 յունուարին ընթացք առած «Ձիթենիի ճիւղ» գործողութեան հետեւանքով զոհուած թուրք զինուորներուն թիւը այսպիսով կը հասնի 14-ի:
Իրենց կարգին թրքական աղբիւրներ կը հաղորդեն, որ Թուրքիոյ բանակը յաջողած է սպաննել աւելի քան 600 քիւրտ զինեալներ:
