13.09c
Երեվան
հնգ, հկտ 08
Գերմանիոյ վարչապետ Անկելա Մերքէլ թուրք-գերմանական յարաբերութիւններու կարգաւորման միտուած յայտարարութիւններ ըրած է: Այս մասին յայտնող թրքական «Sondakika» լրատուական կայքը նաեւ կը տեղեկացնէ, որ Մերքէլ Թուրքիոյ հետ լարուած յարաբերութիւնները բարելաւելու փափաք յայտնած է:
«Թուրքիոյ հետ մեր յարաբերութիւնները առանձնայատուկ են: Թուրք-գերմանական յարաբերութիւնները առանձնայատուկ կը դարձնեն Գերմանիոյ մէջ բնակող 3 միլիոնէ աւել ազգութեամբ թուրք բնակիչները: Թուրքիոյ համար ալ լարուած յարաբերութիւններու փոխարէն պէտք է նախընտրելի ըլլայ լաւ յարաբերութիւնները: Նախագահ Ռեճեփ Թայիփ Էրտողանի հետ հանդիպումները այս ոգիով կ'իրականացնեմ»:
Մերքէլը նաեւ կարեւորած է Թուրքիոյ դերը սուրիական ճգնաժամի կարգաւորման գծով: «Թուրքիան մօտ 3 միլիոն սուրիացի փախստական ընդունած է: Թուրքիան Սուրիոյ մէջ մարդասիրական աղէտի լուծման գործին ամենամեծ ներդրում կատարած երկիրն է»:
