17.58c
Երեվան
չրք, հլս 01
Երէկ Հալէպի մէջ տեղի ունեցած քիմիական յարձակումը կը շարունակէ մնալ շրջանային լրահոսի գլխաւոր թեմա։ Սուրիոյ Սանա լրատուական գործակալութիւնը հրապարակած է տեսանիւթ, ուր անզէն աչքով կ՚երեւին քիմիական գրոհէն տուժածներուն առաջին պատկերները։
Կը նշուի նաեւ, որ վիրաւորներուն մեծ մասը, որոնք ունեցած շնչառական դժուարութիւններ փոխադրուած է Հալէպի «Ալ Ռազի» հիւանդանոց։
Յիշեցնենք, որ երէկ ծանր պահեր ապրած է Հալէպ քաղաքը։ հրթիռարձակումները թիրախ ընտրած են Խալտիյէ, Հայ ալ նիլ եւ Շարէհ ալ զահրա մարդաշատ շրջանները։ Յարձակումներէն ժամ մը անց յայտնի դարձած է, որ տեղի ունեցածը քիմիական գրոհ է, որուն արդիւնքով հարիւրէ աւելի սուրիացի քաղաքացիներ փոխադրուած են հիւանդանոց։
Լրատուական աղբիւրներ հաղորդած են նաեւ, որ տուժածներուն մօտ երեւան եկած է շնչառական հարցեր, որ արդիւնք են «քլոր» նիւթ պարունակող հրթիռներուն։ Պետական մարմիններ կոչ ուղղած են քաղաքի բոլոր հիւանդանոցներուն բաց պահել իրենց դռները քաղաքացիներուն առջեւ։
