12.09c
Երեվան
հնգ, ապր 30
Այսօր երկու Հաուըն տիպի հրթիռներ ինկած են սուրիական Գամիշլի քաղաքին վրայ: Այս մասին «Արեւելք» տեղեկութիւն ստացաւ Գամիշլիի իր աղբիւրէն: Մեր աղբիւրը նաեւ յայտնեց, որ հրթիռները ինկած են Թուրքիա-Սուրիա «Հլէլիյէ» սահմանային անցքին մօտակայքը, եւ հրթիռներէն մին ինկած է «Նապի Սալէհ» մզկիթին վրայ: Մեր աղբիւրը նաեւ նշեց, որ հայկական շրջաններուն մէջ որեւէ մտահոգիչ իրավիճակ չկայ, եւ կեանքը կը շարունակուի իր բնականոն հունով: Լրատուական տարբեր աղբիւրներ տեղեկութիւն տալով հաղորդած էին, թէ Սուրիոյ հանդիպակաց կողմը եղող Նուսայպին աւանին մէջ ծանր մարտեր տեղի կ'ունենան մէկ կողմէ քրտական PKK-ի ջոկատայիններուն եւ միւս կողմէ թրքական բանակին միջեւ:
