13.09c
Երեվան
կրկ, ապր 26
Սեւան Նշանեան երէկ իր ընկերներուն հետ նշած է իր ծննդեան 60-րդ տարեդարձը: Այս մասին տեղեկութիւնը ստացանք Պոլսոյ մեր աղբիւրէն: Մեր աղբիւրը նաեւ յայտնեց, որ երէկ Նշանեան իր ներկայութիւն իր հարազատներուն եւ ընկերներուն Պոլսոյ «Ճէզայիր» սրահին մէջ նշած է իր տարեդարձը: Այս առթիւ Նշանեան կարճ խօսք մը արտասանելով ըսած է՝ «Ես ոտքի եմ, այսպէս պիտի մնամ եւ պիտի չիյնամ» :Նշանեան նաեւ ըսած է , որ բանտարկութըւնը հզօր փորձառութիւն է մարդուս եւ ձաղկած այն բոլորը, որ կը պայքարին խօսքի ազատութեան դէմ: Նշենք, որ Նշանեան ներկայիս կիսաբանտային րէժիմի մը տակ է: Ան առաւօտները իր գտնուած գիւղին մէջ շրջագայելու իրաւունք ունի, իսկ երեկոները պէտք է բանտ վերադառնայ՝ գիշերելու: Ան նոյնպէս բանտի գրադարանի տնօրէն նշանակուած է, կրնայ համակարգիչ կրնայ օգտագործել, սակայն ոչ համացանց: Նշանեան երեք ամիսը անգամ մը մէկ շաբաթով տուն երթալու արտօնութիւն կը ստանայ: Այս անգամ ալ զուգադիպած էր իր ծննդեան օրուան հետ:Նշենք, որ Սեւան Նշանեանի ծննդեան օրուան մասին «Արեւելք»ի այս տեղեկութիւնը եւ լուսանկարները փոխանցեց Պոլսահայ հրապարակախօս ՝ Ռաֆֆի Հերմոն Արաքս:
