14.09c
Երեվան
երկ, մրտ 23
Եէմէնի հիւսիսարեւելեան Մարիպ նահանգին մէջ բանակային «Ալ-Մայլ» ճամբարի հրթիռակոծման հետեւանքով զոհերու թիւը հասած է 80-ի, կան նաեւ տասնեակ վիրաւորներ, կը յայտնէ «ՌԻԱ Նովոսթի» գործակալութիւնը ՝ յղում տալով տեղական Belqees հեռուստաալիքին։
Ռազմական աղբիւրներու փոխանցմամբ՝ հրետակոծութիւնն իրականացուած է պալիսթիք հրթիռի եւ անօդաչու սարքերու միջոցով:
Եէմէնի բանակը «Անսար Ալլահ» ապստամբները կը մեղադրէ հրետակոծութեան մէջ։
Եէմէնի մէջ ռազմաքաղաքական բախումը կառավարութեան եւ «Անսար Ալլահ» շիա շարժման ապստամբներու միջեւ սկիզբ առած է 2014 թուականին եւ կը շարունակուի մինչ օրս: 2015-ի մարտէն Սէուտական Արաբիոյ գլխաւորութեամբ արաբական երկիրներու ռազմական դաշինքը հանդէս կու գայ կառավարութեան կողմէ:
