-5.91c
Երեվան
չրք, հնվ 28
RTarabic «arabic.rt.com»ը կը գրէ.
Ատրպէյճանի Նախագահ՝ Իլհամ Ալիեւը այսօր՝ Չորեքշաբթի, նախազգուշուցացած է, թէ իր երկիրը անմիջապէս իր դիւանգիտական յարաբերութիւնները պիտի դադրեցնէ բոլոր այն երկիրներուն հետ, որոնք Ղարաբաղի անկախութիւնը կը ճանչնան:
Այնուամենայմիւ, ան վստահութիւն յայտնած է, որ ո՛չ մէկ երկիր նման քայլի կը դիմէ:
Միաժամանակ Ալիւեը շեշտած է հակամարտութեան կարգաւորումէն ետք Ղարաբաղի հայ եւ ատրճէյճանցի ժողովուրդներու միասին ապրելու նախապատրաստութեան անհրաժեշտութեան, կոչ ընելով տարածաշրջանի հայ բնակչութեան չանհանգստանալու:
Ատրպէյճանի Նախագահը յայտնած է, որ ռազմական գործողութիւնները պիտի շարունակուին՝ ազատագրելու համար Ղարաբաղը, միաժամանակ մեղադրած է Հայաստանին զինադադարի ռեժիմը օգտագործելուն՝ ժամանակ շահելու համար, ինչպէս նաեւ պնդած է, թէ Երեւանը կը ձգտի բախումներուն աշխարհագրական դիրքերը ընդլայնել:
Ալիեւը չէ բացառած Ղարաբաղի մէջ խաղաղապահներ տեղակայելու գաղափարը, սակայն կը կարծէ, որ այդ բանակցայի գործընթացին վերջին կէտը պէտք է ըլլայ:
Նշենք, որ մի քանի օրեր առաջ Ղարաբաղի Հանրապետութիւնը միջազգային հանրութեան կոչով դիմած էր՝ ճանչնալու համար իր անկախութիւնը, նկատի ունենալոց, որ սա «արդիւնաւէտ միակ գործիքն» է տարածաշրջանէն ներս խաղաղութեան եւ անվտանգութեան վերականգնումին: Երեւանը, իր կարգին ակնարկած է, որ կարելի է այդ հարցը քննարկել:
