29.09c
Երեվան
շբթ, հնս 28
Այսօր երեկոյեան ժամերուն հրդեհ մը ծագած է Հալէպի «Մազլումեան» հիւանդանոցին մէջ։
Այս մասին «Արեւելք» իմացաւ Հալէնի իր աղբիւրէն։
Աղբիւրը նշեց, որ հրդեհը հետեւանք է թթուածինի տակառի մը պայթումին։
Ծագած հրդեհին հետեւանքով զոհուած է բժիշկներու խնամքին տակ գտնուող հիւանդ մը, որ կը գտնուէր խտացեալ դարմանման հիւանդասենեակներէն մէկուն մէջ, որն ամբողջութեամբ հրկիզուած է։
Հալէպի հրշէջ մարմիններ յաջողած են արագօրէն մարել հրդեհը եւ անոնց ճիգերուն շնորհիւ կարելի եղած է փրկել չորս այլ հիւանդներու կեանքը։
