3.09c
Երեվան
կրկ, փտր 22
Ինքնահռչակ Տոնեցքի ժողովրդական հանրապետութեան աշխարհազօրայինները ոչնչացուցած են Ուքրանիոյ ուժայիններու անօդաչու թռչող սարքը: Այս մասին յայտարարած է ինքնահռչակ հանրապետութեան ազգային միլիցի փոխտնօրէն՝ Էտուարտ Պասուրին, գրած է «ՌԻԱ Նովոսթի» գործակալութիւնը:
«Լուկանսքոյէ բնակավայրի գնդակոծութեան ժամանակ ուքրանացի գրոհայինները կը կարգաւորէին 120 մմ ականանետերու կրակը՝ օգտագործելով «Մավիք -2» անօդաչու թռչող սարքը, որ ոչնչացուեցաւ հակաօդային պաշտպանութեան ստորաբաժանումներու համակարգուած գործողութիւններու հետեւանքով»,-յայտարարած է Պասուրին:
Պասուրին նաեւ աւելցուցած է, որ ուքրանացի զինուորականները շաբաթ օր երկու անգամ խախտած են հրադադարի ռեժիմը. անոնք ականանետեր եւ փոքր զէնքեր արձակած են Տոնեցքի հիւսիսային ծայրամասերու եւ հանրապետութեան հարաւը գտնուող Լենինսքոէ գիւղի ուղղութեամբ:
