Յայտնաբերուած է անցնող 18 մարտէն ի վեր անյետացած Կարէն Վարդանեանի դիակը: Այս մասին կը յայտնէ ՀՀ ոստիկանութիւնը: Աղբիւրը այս մասին հաղորդագրութիւն մը հրապարակելով կը յայտնէ, թէ փորձագէտ եւ իրաւաբան «Իրազեկ քաղաքացիների խմբաւորում» միութեան նախագահ Կարէն Վարդանեան ծանր ծեծի ենթարկուելէ ետք սպաննուած է: Անոր դին թաքնուած եղած է ինքնաշարժէ տնակի մը մէջ: Դէպքին առթիւ ձերբակալուած են Արթուր Միհրանեանն ու Գէորգ Զոհրապեանը,հետաքննութիւնը կը շարունակուի: Նշենք, որ Կարէն Վարդանեանի մասին վերջին տեղեկութիւնը յայտնուած էր համացանցով, երբ ան 17 մարտին Արաբական Միացեալ Էմիրութիւններու օդակայան մուտք գործելու հաղորդագրութիւն մը հրապարակած էր: