5.09c
Երեվան
շբթ, փտր 28
Միացեալ Նահանգերու նախագահ Տանըլտ Թրամփ ներկայացուցած է Իրանի դէմ մեկնարկած լայնածաւալ ռազմական գործողութիւններ սկսելու նպատակները։
Տանըլտ Թրամփ Truth Social-ի իր էջին հրապարակուած տեսաուղերձին մէջ յայտարարած է, որ ԱՄՆ-ի համբերութիւնը սպառած է Իրանի հետ բանակցութիւններու հարցով։
Ուղերձին մէջ ան խոստացած է ոչնչացնել Իրանի միջուկային ու հրթիռային արդիւնաբերութիւնը եւ ռազմածովային ուժերը։
Թրամփի խօսքով՝ ռազմագործողութեան նպատակն է պաշտպանել ամերիկացի ժողովուրդը՝ վերացնելով Իրանի կողմէ անմիջական սպառնալիքները։ Ան յայտարարած է, որ Իրան երբեք չի կրնար միջուկային զէնք ունենալ։ «Մենք պիտի ոչնչացնենք անոնց հրթիռները, անոնց ռազմածովային նաւատորմը»,-ըսած է Թրամփ։
ԱՄՆ նախագահը դիմած է նաեւ Իրանի ժողովուրդին.«Երբ մենք աւարտենք, վերցուցէք կառավարութիւնը, այն ձերը պիտի ըլլայ»,- յայտարարած է Թրամփ։
Տանըլտ Թրամփ դիմած է նաեւ Իրանի Իսլամական հեղափոխութեան պահակագունդին՝ կոչ ընելով վար դնելու զէնքերը։
«Դուք պէտք է վար դնէք ձեր զէնքերը։ Ձեզի հետ արդար պիտի վարուին՝ լիակատար անձեռնմխելիութեամբ, հակառակ պրագային դուք անխուսափելիօրէն պիտի մահանաք»,-ըսած է ԱՄՆ նախագահը։
Միեւնոյն ժամանակ, Թրամփ շեշտած է, որ ԱՄՆ կառավարութիւնն ամէն ինչ ըրած է՝ նուազագոյնի հասցնելու կորուստները տարածաշրջանին մէջ գտնուող ամերիկեան անձնակազմի համար։
