33.09c
Երեվան
երք, օգս 18
Սոթքի հանքավայրը մասնակի կ'աշխատի: Այս մասին Ազգային Ժողովէն ներս լրագրողներու հետ ճեպազրոյցին տեղեկացուցած է Գեղարքունիքի մարզպետ Կարէն Սարգսեանը:
Վերջինս մանրամասնած է, թէ հանքավայրի բաց հատուածին մէջ աշխատանքները յառաջիկայ ամիսներուն պէտք է դադրեցուէին, սակայն, անվտանգային խնդիրներէ ելլելով, հիմա դադրեցուած են, իսկ փակ հանքի մէջ աշխատանքներ կ'իրականացուին, հանքը մասնակի կ'աշխատի։
Անոր խօսքով՝ տարբերակներ կը քննարկեն, որ հանքի փակման հետեւանքով անգործ մնացած մարդոց աշխատանքի տեղաւորեն։
Կարէն Սարգսեանը վստահեցուցած է, որ շատ քիչ է հաւանականութիւնը, որ մարզէն մարդիկ, անվտանգային խնդիրներէ ելլելով, արտագաղթեն։
«Ունենք ընտանիքներ, որ դուրս են եկել իրենց բնակավայրերից 2022 թուականի սեպտեմբերեան ագրեսիայից յետոյ, մի քանիսը չեն վերադարձել, բայց հիմնական հատուածը ետ է վերադարձել ու ապրում են իրենց բնակավայրերում»,-ըսած է մարզպետը:
Սարգսեանը նաեւ տեղեկացուցած է, որ Գեղարքունիքի մէջ հակառակորդի կողմէ կրակոցները նուազած են:
«Մարզում բնակիչները գիւղատնտեսական աշխատանքներով են զբաղուած, ապրում են իրենց բնականոն կեանքով»,- հաղորդեց ան։
Յիշեցնենք, որ «Գեոպրոմայնինգ գոլդ» ընկերութենէն տեղեկացուցած են, որ կրակոցներու պատճառով հանքավայրը դադրեցուցած է աշխատանքը:
