1.09c
Երեվան
երք, փտր 10
Կառավարութեան այս տարուայ վերջին նիստին վարչապետ Նիկոլ Փաշինեան բոլորին շնորհակալութիւն յայտնեց 2021 թուականի ընթացքին կատարուած աշխատանքի համար:
«2021 թուականը յետպատերազմեան հետեւանքների արտայայտման տարի էր ու մեզնից շատ լուրջ ջանքեր պահանջուեցին, որ մենք Հայաստանում ու նրա շուրջ իրավիճակը կարողանանք պահել կառավարելի ու, այո՛, ցաւօք սրտի, 2021 թուականի մեկնարկին հէնց այդպիսի խնդիր ունէինք, այդպիսին էր իրողութիւնը», ըսաւ ան:
Վարչապետի խօսքով՝ շատ մեծ ջանքեր պահանջուած են, որ կարենան անցնցում յաղթահարել 2021 թուականը:
«Արտաքին միջավայրում մենք շատ լուրջ խնդիրներ ունեցանք ու շարունակում ենք ունենալ. 2021 թուականի Մայիսից սկսած` Սոթք-Խոզնավար հատուածում ատրպէյճանական զինուած ուժերի ներխուժման փաստը, դրանից բխող հետեւանքները, նաեւ Նոյեմբերի 16-ին տեղի ուենցած միջադէպը էլ աւելի են ընդգծում անվտանգային միջավայրում մեր ունեցած խնդիրները, ու ես առաջարկում եմ, որ մենք հիմա մէկ րոպէ լռութեամբ յարգենք 2021 թուականի ընթացքում ու նախկինում հայրենիքի համար իրենց կեանքը զոհաբերած նահատակների յիշատակը», յայտարարեց Նիկոլ Փաշինեանը։
