Միացեալ Նահանգներ- (Rudaw.net) Համաշխարհային ճանաչում ունեցող աստղ ՝ Շաքիրա Սուրիոյ գաղթականներու մասին մամլոյ ասուլիս մը տուած է: Երգչուհին ՄԱԿ-ի Նիւ Եորքի գլխաւոր կեդրոնին մէջ ասուլիս մը տալով նկատել տուած է, թէ անկարելի է մոռնալ Սուրիացիներուն եւ յատկապէս խեղդամահ եղած գաղթական երեխաներուն ողբերգութիւնը: Ան նաեւ ըսած է, թէ 3-ամայ Ալէն Քըրտիի ու անոր եղբօր ողբերգութիւնը պէտք է դաս ըլլայ ամբողջ մարդկութեան համար: Շաքիրա ազդեցիկ տէրութեանց ուղղելով իր խօսքը նաեւ ըսած է, թէ սուրիացի գաղթականներուն հարցը պէտք է մարդկայնացուի եւ համայն մարդկութիւնը պէտք է հասնի գաղթականներու փրկութեան գործին: