22.09c
Երեվան
չրք, հլս 09
Օրերս ՍԴՀԿ Հայաստանեան մարմնի ներկայացուցիչներ աշխատանքային այց մը կատարած են դէպի Սիւնիք։
Այս մասին «Արեւելք» վերահասու դարձաւ ՍԴՀԿ Հայաստանի մարմնի պաշտօնական էջէն, ուր մասնաւորապէս գրուած է՝
Սոյն թուականի մարտի 3 -ին Սոցիալ-Դեմոկրատ Հնչակեան Կուսակցութեան պատուիրակութիւնը գլխաւորութեամբ փոխատենապետ`Վարազդատ Եղիազարեանի կուսակցական, աշխատանքային այցով կը գտնուէր Սիւնիք, ուր կուսակցական եւ հանրային հանդիպումներ ունեցաւ Կապան եւ Մեղրի քաղաքներու մէջ: Հանդիպումներու ընթացքին քննարկուեցան մեր երկրի մէջ ու մեր շուրջ գոյութիւն ունեցող ամենահրատապ ու կարեւոր քաղաքական եւ անվտանգային հարցերը: ՍԴՀԿ Հայաստանի կազմակերպութեան փոխատենապետը, ինչպէս նաեւ ներկաները միահամուռ կերպով ընդգծեցին Սիւնիքի չափազանց կարեւոր ու կենսական նշանակութիւնը`Հայաստանի գոյատեւման, անվտանգութեան ու հետագայ զարգացման համար: Հանդիպումները անցան ջերմ եւ անկաշկանդ կարծիքներու փոխանակութեան մթնոլորտի մէջ:
Պատուիրակութիւնը ապա այցելեց եւ իր խորին յարգանքի տուրքը մատուցեց`օսմանեան լուծի տակ տառապող հայ ժողովուրդի եւ ազատ ու անկախ Հայաստանի տեսլականի համար պայքարած եւ 1915 թուականի յունիսին Կոստանդնուպոլսոյ Սուլթան Պայազետ հրապարակին վրայ կախաղան հանուած Հնչակյան հերոս, բնիկ Մեղրեցի` Փարամազի (Մաթեւոս Սարգսեան) եւ իր կուսակցական ընկերներու անմահութեան յուշահամալիրին:
