ՀՀ Ազգային ժողովը Քրիսթինէ Գրիգորեանը ընտրեց Մարդու իրաւունքներու պաշտպանի պաշտօնին:
Փակ գաղտնի քուէարկութենէ յետոյ քուէարկութեան արդիւնքները յայտնեց Հաշուիչ յանձնախումբի նախագահ Նարեկ Պապայեանը:
ԱԺ 107 պատգամաւորներէն քուէարկութեան մասնակցած էր 68 պատգամաւոր, որոնք բոլորն էլ կողմ քուէարկած էին: Ընդդիմութիւնը չէր մասնակցած քուէարկութեան:
Քրիսթինէ Գրիգորեան շնորհակալութիւն յայտնեց եւ երդուեցաւ: Ան պաշտօնը կը զբաղեցնէ երդումէն յետոյ, գործող պաշտպանի պաշտօնավարման ժամկէտի աւարտին յաջորդ օրը:
Գործող ՄԻՊ Արման Թաթոյեանի պաշտօնավարման ժամկէտը կը լրանայ Փետրուար 23-ին, անոր լիազօրութիւններու աւարտման յաջորդ օրը Գրիգորեանը պիտի սկսի պաշտօնավարել որպէս Մարդու իրաւունքներու պաշտպան:
Գրիգորեանի թեկնածութիւնը առաջադրած էր «Քաղաքացիական պայմանագիր» խմբակցութիւնը:
Քրիսթինէ Գրիգորեանը ունի աւելի քան 12 տարուայ մասնագիտական աշխատանքի փորձ` հիմնականին մէջ պետական մարմիններու` ԱԺ աշխատակազմին, Արդարադատութեան նախարարութեանմ, առաջին փոխվարչապետի աշխատակազմին մէջ: 2019-ի Յուլիսին նշանակուած է ՀՀ արդարադատութեան նախարարի տեղակալ, իսկ 2021-ի Ապրիլէն` ՀՀ արդարադատութեան նախարարի առաջին տեղակալի պաշտօնը: 2022-ի Յունուար 20-ին Գրիգորեան ազատուած է նախարարի առաջին տեղակալի պաշտօնէն: