22.09c
Երեվան
հնգ, օգս 20
Զոհուած զինծառայող Ժորա Մարտիրոսեանի մայրիկը կալանաւորելու դատարանի որոշումը փաստաբանները պիտի բողոքարկեն վերաքննիչ քրէական դատարան: Այս մասին NEWS.am-ի հետ զրոյցին ըսած է Գայեանէ Յակոբեանի փաստաբան Վահան Յովհաննիսեան:
«Հենց հիմա աշխատում ենք բողոքի վրայ, վաղը առաւօտեան 9:00-ին բողոքը մուտք կ'անենք դատարան: Կալանաւորման հիմքերը կարելի է ասել, որ չկային, բայց դատարանը որպէս հիմնաւորում 2 հիմք է նշել: Մէկը՝ նոր յանցանքի կատարումը եւ դատարականական պարտականութիւնների չկատարումը, որը կարող է դրսեւորուել դատավարական մասնակցող անձանց վրայ անօրինական ազդեցութեան գործադրմամբ, բայց դրանք երկուսն էլ առկայ չեն, որովհետեւ եթէ նոր յանցագործութեան կատարումը, որը իր մէջ ներառում է Աշոտ Փաշինեանին առեւանգելը, վառ երեւակայութիւն պէտք է ունենալ, որ այսպիսի իրականութեան մէջ հետագայում այդպիսի գործողութիւն կանխատեսուի, ապա երկրորդ հիմքի մասով եւս բաւական առումով որեւէ պատճառաբանութիւն բերուած չէ, քանի որ եթէ գործում է ՀՀ-ում պաշտօնատար անձանց եւ նրանց ընտանիքի անդամների պահպանութեան վերաբերեալ օրէնսդրութիւնը, ապա վստահ որ որեւէ կերպ չի կարողանայ ազդել նրանց վրայ: Եթէ դատարանը նման հիմք է առաջադրում, ապա գտնում է, որ այս օրէնսդրութիւնը Հայաստանում չի գործում»,-ըսած է ան:
Փաստաբանը դատարանի որոշումը ցնցիչ բնութագրած է. «Դատարանի որոշումը շոկային էր, մենք նման բան չէինք սպասում, միջնորդութեան քննութեան որոշումը եւ բուն որոշումը միմեանցից տարբեր էր: Դատարանը տարբեր տեղեկանքներ էր պահանջել ներկայացնել, պատգամաւորներին էր կանչել, նրանց իրաւունքները բացատրելու, ու դրանից յետոյ նման որոշում կայացնելը շոկային էր, ինչի համար էին ապա դատարանի այդ գործողութիւնները»:
Փաստաբանը կարծիք յայտնած է, որ դատարանի որոշումը փոխուած է , ամենայն հաւանականութեամբ, խորհրդակցական սենեակ երթալէն յետոյ:
Յիշեցնենք, որ 44-օրեայ պատերազմին զոհուած Ժորա Մարտիրոսեանի մայրը՝ Գայեանէ Յակոբեանը կալանաւորուած է մէկ ամիսով: Անոր աջակիցները բողոքի հաւաք կը կատարեն՝ պահանջելով անյապաղ ազատ արձակել զոհուածի մայրը:
