19.09c
Երեվան
ուրբ, հկտ 10
Հայաստանի վարչապետ Նիկոլ Փաշինեանը հերթական հեռախօսազրոյցը ունեցած է Ռուսաստանի նախագահ Վլատիմիր Փութինի հետ:
ՀՀ կառավարութեան մամուլի ծառայութենէն յայտնած են, որ Փաշինեանը շնորհաւորած է Փութինը ծննդեան տարեդարձի կապակցութեամբ՝ անոր մաղթելով յաջողութիւններ պետութեան ղեկավարի պաշտօնին:
Կողմերը նաեւ քննարկած են իրավիճակը Լեռնային Ղարաբաղի մէջ՝ կարեւորելով ռազմական գործողութիւններու շուտափոյթ դադարեցումը:
Իր հերթին, Քրեմլի պաշտօնական կայքը կը տեղեկացնէ, որ ՀՀ վարչապետ Նիկոլ Փաշինեանը զանգած է Ռուսաստանի նախագահ Վլատիմիր Փութինին անոր 68-ամեակի կապակցութեամբ:
Յիշեցնենք, որ նախորդ անգամ Հայաստանի եւ Ռուսաստանի առաջնորդները հեռախօսազրոյց ունեցած էին 5 հոկտեմբերին:
