Անօրինական կերպով փախստականներ փոխադրող նաւ մը խորտակուեցաւ եգիպտական ջուրերուն մէջ: Ըստ նախնական տուեալներու, նաւաբեկման դէպքին հետեւանքով զոհուած են 30 անձեր: Եգիպտոսի ոստիկանութեան մէկ բանբերը, որ այս մասին տուեալներ փոխանցեց, նաեւ յայտնեց, որ քաղաքացիական պաշտպանութեան մարմիններու միջամտութեամբ կարելի եղած է փրկել նաւուն վրայ եղող 130 գաղթականներ: Նշենք, որ դէպքը եղած է Եգիպտոսի հիւսիսը գտնուող «Ալ Րաշիտ» ծովեզերեայ շրջանին մէջ: