6.09c
Երեվան
հնգ, փտր 19
Թիֆլիսի կեդրոնը բողոքի հաւաք տեղի ունեցած է՝ «պարէտային ժամը» չեղեալ համարելու պահանջով, որ երկրին մէջ կը տնօրինուի մօտ 4 ամիսէ ի վեր:
Այս մասին յայտնած է Նովոսթի-կրուցիա-ն՝ յիշեցնելով, որ Վրաստանի մէջ գիշերային ժամերուն (21:00-05:00) տեղաշարժելու արգելքը սահմանուած է 2020-ի 28 նոյեմբերին՝ պայմանաւորուած համաճարակաբանական իրավիճակի վատթարացմամբ: Այդ մէկն է սակաւաթիւ սահմանափակումներէն, որոնք կը պահպանուին երկրի քարանթինային միջոցառումներու մեղմացումներէն յետոյ: Քարանթինային սահմանափակումները փուլ առ փուլ մեղմացնել սկսած են 1 փետրուարէն:
Կը հաղորդուի, որ քանի մը տասնեակ մարդիկ հաւաքուած են Թիֆլիսի քաղաքային խորհուրդի մօտ՝ Ազատութեան հրապարակ, որպէսզի կոչ ընեն միջգերատեսչական համակարգող խորհուրդին վերանայելու կանոնները: Բողոքի մասնակիցներուն մէջ եղած են փոքր եւ միջին ձեռնարկատիրութիւններու ներկայացուցիչներ, աքթիւիսթներ եւ շարքային քաղաքացիներ:
Հանրահաւաքի կազմակերպիչները ընդգծած են, որ իշխանութիւնները կ'արգիլեն Վրաստանի քաղաքացիները տեղաշարժիլ երկրի տարածքով՝ սահմանափակելով անոնց սահմանադրական իրաւունքները:
Պարէտային ժամը խախտելու համար ֆիզիքական անձանց համար 2000 լարի տուգանք կը սահմանուի, իսկ իրաւաբանական անձանց համար՝ 10 000 լարի:
Վրաստանի մէջ համաճարակի ողջ ընթացքին «Քորոնա» ժահրով վարակուած է աւելի քան 272 հազար մարդ, որմէ աւելի քան 3500-ը մահացած է:
