1.09c
Երեվան
երկ, դկտ 30
ՌԱԿ Պատուիրակութիւն մը օրերս այցելութիւն տուած է Կիպրոսի Հայոց Թեմի Կաթողիկոսական փոխանորդ՝ Գերշ. Տ. Խորէն արք. Տողրամաճեանին։
Այս մասին «Արեւելք» իմացաւ Առաջնորդարանի դիմատետրեան էջէն, որ մասնաւորապէս կը գրէ՝
Երկուշաբթի, 11 Սեպտեմբեր 2023-ի կէսօրին, Ազգային Առաջնորդարան այցելեց Կիպրոսի Ռամկավար Ազատական Կուսակցութեան նորընտիր Վարչութեան կազմէն պատուիրակութիւն մը եւ հանդիպում ունեցաւ Թեմիս Կաթողիկոսական Փոխանորդ՝ Գերշ. Տ. Խորէն Արք. Տողրամաճեանի հետ: Պաշտօնական խօսքերէ եւ շնորհաւորութիւններէ ետք խօսք առին Ատենապետ՝ Պրն. Եղիա Գայայեանն ու անդամ՝ Պրն. Ասատուր Տէօվլէթեանը:
Հանդիպման ընթացքին, առ հասարակ արծարծուեցան Կիպրահայ գաղութը յուզող հարցեր, Ն.Ս.Օ.Տ.Տ. Արամ Ա. Կաթողիկոսի Անթիլիասի մէջ Լիբանանահայ հոգեւոր եւ երեք կուսակցութեանց պետերու հանդիպման ու Արցախի շրջափակման: Երկուստէք տեսակէտներ փոխանակեցին եւ պատրաստակամութիւն ամէն կերպով սատարելու Արցախին եւ գաղութային աշխատանքներուն:
Սրբազան Հայրը իր շնորհակալութիւնը յայտնեց հանդիպման համար եւ մասնաւոր գնահատանքն ու քաջալերանքը փոխանցեց բոլորին:
