-1.91c
Երեվան
երկ, դկտ 23
Երէկ ռուս զինուորականները հարուածներ հասցուցած ուքրանական բանակի 128 ռազմական կառոյցներու, յայտնած է Ռուսաստանի Պաշտպանութեան նախարարութեան պաշտօնական ներկայացուցիչ Իկոր Քոնաշենքովը:
Անոնց շարքին է 1 Buk-M1 զենիթահրթիռային համակարգ, 1 «Օսա» հակաօդային պաշտպանութեան համակարգ, 4 ռատիօտեղորոշիչ կայան, հրամանատարական 4 կէտ, զէնքի եւ զինամթերքի 7 պահեստ, ռազմական սարքի կուտակման 68 տարածք:
«Օրուան ընթացքին Ռուսաստանի օդատիեզերական ուժերուն կողմէ եւ հակաօդային պաշտպանութեան միջոցներով խոցուած են երկու ուքրանական Սու-25 ինքնաթիռ Չեռնիկովի մարզին մէջ, մէկ Միկ-29 Նովայա Պիքովքայի շրջանին մէջ, ինչպէս նաեւ չորս անօդաչու թռչող սարքեր», ըսած է զօրավարը:
Ընդհանուր առմամբ, ռազմական գործողութեան սկիզբէն ի վեր ոչնչացուած է ուքրանական 111 ինքնաթիռ, 68 ուղղաթիռ, 160 անօդաչու թռչող սարք, 159 զենիթահրթիռային համակարգ, 1353 տանկ եւ այլ մարտական զրահամեքենայ, համազարկային կրակի 129 համալիր, դաշտային հրետանային 493 սարք եւ ականանետ:
