Մահացել է արցախցի բանաստեղծ, լրագրող Սերժ Առաքելյանը

330
16/01/2023

Մահացել է արցախցի բանաստեղծ, լրագրող Սերժ Առաքելյանը

Արցախի Գրողների միությունը հայտնում է, որ կյանքից հեռացել է արցախցի բանաստեղծ, հրապարակախոս, իր երկրի ու հողի նվիրյալ զավակ Սերժ Առաքելյանը։

Սերժ Առաքելյանը ծնվել է 1948թ. նոյեմբերի 17-ին, Արցախի Մարտունու շրջանի Խերխան գյուղում:

Ստեփանակերտի պետական մանկավարժական ինստիտուտի բանասիրական ֆակուլտետն ավարտելուց հետո երկար տարիներ աշխատել է Բաքվում՝ հայերենով հրապարակվող «Կոմունիստ» թերթի խմբագրությունում: 1988 թ.-ին տեղափոխվել է Երեւան: Աշխատել է տարբեր թերթերի եւ ամսագրերի խմբագրություններում: 1994-2004 թվականներին ծառայել է հայոց ազգային բանակում` որպես զինվորական լրագրող: Պահեստազորի մայոր է: Հեղինակել է բանաստեղծական եւ արձակի 6 ժողովածու, ինչպես նաև բազմաթիվ ակնարկներ ու հրապարակախոսական հոդվածներ: Արցախի գրողների միության անդամ է:

ՍԵՐԺ ԱՌԱՔԵԼՅԱՆ

ԶՈՐԱՎԻԳ ԵՂԻՐ

Տե՛ր, Արցախն իմ մի բուռ

Սուգ է հագել նորից,

Հեծեծա՜նք է այնտեղ

Ու տնքոց է ցավի...

Այնտեղ դեղին ծուխ է

Ելնում վիհ ու ձորից,

Փակում լույսով ծփող

Հովիտներն իմ ծավի։

Որոտմունք է այնտեղ

Ու արճիճի շառաչ,