-2.91c
Երեվան
ուրբ, դկտ 26
Մահացած է քաղաքական գործիչ, ՀՀ պաշտպանութեան նախարարի նախկին տեղակալ, Ազգային ժողովի 5-րդ գումարման պատգամաւոր Արտակ Դաւթեան:
Ան ծնած է 30 հոկտեմբեր, 1966-ին Քաջարան:
1984-1986 թուականներուն ծառայած է խորհրդային բանակին մէջ:
1984-ին ընդունուած է եւ 1990-ին աւարտած Երեւանի ժողովրդական տնտեսութեան հիմնարկի ծրագրատնտեսական բաժինը: Տնտեսագէտ:
1983-1984 թուականներուն աշխատած է Աբովեանի մարզադպրոցը` որպէս մարզիչ, 1990-1992 եւ 1994-1997 թուականներուն՝ Ագրոարդբանկի Աբովեանի մասնաճիւղը` տնտեսագէտէն մինչեւ կառավարիչ: 1992-1994 եւ 1997-1998 թուականներուն աշխատած է Մոսկուա, 1998-2003 թուականներուն՝ «ՀՀ երկաթուղիի փոխադրումներ» պետական փակ բաժնետիրական ընկերութեան (ՊՓԲԸ) փոխտնօրէն, տնօրէն, «Հայկական երկաթուղի» ՓԲԸ գլխաւոր տնօրէնի տեղակալ, 2003-2004-ին՝ ՀՀ ուժանիւթի փոխնախարար, 2004-2007 թուականներուն՝ «Էյսի-ֆին Ռոյալ» Սահմանափակ պատասխանատւութեամբ ընկերութեան (ՍՊԸ) տնօրէն:
2007-2012 թուականներուն` Ազգային ժողովի պատգամաւոր (համամասնական ընտրակարգ, Հայաստանի Հանրապետական Կուսակցութիւն ՀՀԿ): 19.06.2007-18.05.2009-ին` Ազգային ժողովի պետական-իրաւական հարցերու մշտական յանձնաժողովի անդամ, 18.05.2009-31.05.2012-ին Ազգային ժողովի գիտութեան, կրթութեան, մշակոյթի, երիտասարդութեան եւ մարմնամարզական հարցերու մշտական յանձնաժողովի նախագահ:
6 մայիս, 2012-ին Ազգային ժողովի պատգամաւոր ընտրուած է համամասնական ընտրակարգով Հայաստանի Հանրապետական կուսակցութենէն:
Ամուսնացած էր, ունէր երեք երեխայ:
