18.09c
Երեվան
հնգ, հկտ 02
Կառավարութիւնը սեպտեմբեր 25-ին հաստատեց 2026-ի պետական պիւտճէի մասին օրէնքի նախագիծը, որ պիտի ուղարկէ Ազգային ժողովի հաստատման։ Ըստ փաստաթուղթի՝ եկող տարի կը նախատեսուի ունենալ շուրջ 3,1 թրիլիոն դրամի եկամուտ եւ 3,6 թրիլիոն դրամի ծախս։
Ելեւմուտի նախարար Վահէ Յովհաննիսեանը յայտնած է, որ պիւտճէի պակասուրդը կը կազմէ 537,5 միլիառ դրամ, այսինքն՝ համախառն ներքին արդիւնքի (ՀՆԱ) 4,5 տոկոսը՝ 2025-ի 5,5 տոկոսի դիմաց։ Այն կը նախատեսուի ֆինանսաւորել ինչպէս ներքին (շուրջ 266,2 միլիառ դրամ), այնպէս ալ արտաքին (շուրջ 271,3 միլիառ դրամ) աղբիւրներու հաշուոյն։ Եկամուտներու հիմնական մասը՝ շուրջ 2,97 թրիլիոն դրամը, կը նախատեսուի ապահովել հարկային եկամուտներու եւ պետական տուրքերու հաշուոյն։
Նախարարի խօսքով՝ կառավարութեան պարտք-համախառն ներքին արդիւնքի (ՀՆԱ) ցուցանիշը 2026-ի վերջը կը կանխատեսուի 53,5 տոկոս։
Յովհաննիսեանը նաեւ ներկայացուցած է այն ծրագրերը, որոնք պիտի շարունակուին 2026-ին։ Ատոնցմէ մէկը, օրինակ, Ակադեմիական քաղաքի ծրագիրն է։
«Ակադեմիական քաղաք ծրագրի իրականացման նպատակով 2026-ին նախատեսուել է 4,9 մլրդ դրամ, որի շրջանակներում շարունակուելու են նախագծման ու կառուցման աշխատանքները»,-ըսած է նախարարը։
Մէկ այլ նախագիծով Հայաստանի կառավարութիւնը հաւանութիւն տուած է Զարգացման ֆրանսական գործակալութեան հետ 150 միլիոն եւրո արժողութեամբ վարկային համաձայնագրի ստորագրման։ Այս միջոցները, որոնք կը տրամադրուին որպէս պիւտճէթային աջակցութիւն, պիտի ուղղուին 2025-ի պետական պուտճէի պակասուրդի (դեֆիցիտի) ֆինանսաւորման։
