11.09c
Երեվան
ուրբ, ապր 19
«Իսրայէլ Հայոմ» թերթը բացայայտած է, որ հետախուզութեան լեյթենանթի կոչումով իսրայէլացի սպայ մը ինքնասպան եղած է շաբաթներ առաջ` ինքզինք շէնքէն վար նետելով, այն նոյն զօրամասին մէջ, ուր անցեալ տարի մահացած գտած էին սպայ «Թ».-ն:
Հետաքննութեան նախնական տուեալներուն համաձայն` «պարզուած է, որ սպան որոշած է վերջ տալ կեանքին անձնական դրդապատճառներու եւ դժուարութիւններու հետեւանքով», սակայն թերթը կը նշէ, որ սպային ինքնասպանութեան եւ նախապէս զինուորական բանտին մէջ սպայի մահուան պատճառներուն միջեւ անհերքելի կապ կայ:
«Իսրայէլ Հայոմ»-ին յայտնի դարձած է, որ սպայ «Թ.»-ի ստորաբաժանման մէջ սպային ինքնասպանութիւնը կը գումարուի անցեալ ամիս իսրայէլեան բանակին մէջ տեղի ունեցած ինքնասպանութեան շարք մը այլ դէպքերու:
Մէկ ամսուան մէջ տեղի ունեցած է 4 ինքնասպանութեան, ինչ որ թերթը համարած է շատ բարձր թիւ, յատկապէս եթէ համեմատենք 2021-ի հետ, երբ ամբողջ տարուայ ընթացքին ինքնասպան եղած է 11 զինուոր, եւ 2020-ի հետ՝ 9 զինուոր:
Թերթը մատնանշած է, որ «վերջին տարիներուն բանակին մէջ ինքնասպանութիւններուն թիւը զգալիօրէն նուազած է, երբ մի քանի տարի առաջ այդ թիւը կը հասնէր 20-30-ի, իսկ երբեմն ալ աւելի»:
