9.09c
Երեվան
շբթ, ապր 05
Թուրքիոյ արտաքին գործոց նախարարութիւնը խստօրէն դատապարտած է Իսրայէլի նախարարներու՝ Թուրքիոյ հասցէին հնչող յայտարարութիւնները եւ արձագանգած տարածաշրջանին մէջ այդ երկրի կողմէ իրականացուող գործողութիւններուն:
Յայտարարութեան մէջ ընդգծուած է, որ ատոք չեն կրնար քօղարկել Իսրայէլի կողմէ Պաղեստինի Կազայի հատուածին մէջ իրականացուող «ցեղասպանութիւնը», Պաղեստինի ժողովուրդի դէմ մղուող լայնածաւալ պատերազմը, Արեւմտեան ափի բռնազաւթման քաղաքականութիւնը, ինչպէս նաեւ Սուրիոյ եւ Լիբանանի դէմ յարձակումներու ընդլայնուող բնոյթը։
Յայտարարութեամբ Իսրայէլի կառավարութիւնը մեղադրուած է «արմատական եւ ցեղապաշտական» քաղաքականութիւն վարելու մէջ: Շեշտուած է, որ այդ քաղաքականութիւնը կը սպառնայ ոչ միայն տարածաշրջանի անվտանգութեան, այլեւ ուղղակիօրէն կը խարխլէ խաղաղութեան հաստատման ջանքերը:
Թուրքիոյ ԱԳՆ-ն ընդգծած է, որ Իսրայէլը դարձած է տարածաշրջանի անվտանգութեան գլխաւոր սպառնալիքը՝ իր տարածողական քաղաքականութեամբ խաթարելով տարածաշրջանի երկիրներու տարածքային ամբողջականութիւնը եւ ազգային միասնութիւնը։
Յայտարարութեան մեջ կոչ եղած է միջազգային հանրութեան պատասխանատւութիւն վերցնելու՝ կանխելու Իսրայէլի «անսանձ յարձակումը»:
Ըստ Թուրքիոյ ԱԳՆ-ի՝ Իսրայէլը պէտք է դադրեցնէ իր բռնազաւթողական քաղաքականութիւնը, դուրս բերէ իր զօրքերը բռնագրաւուած տարածքներէն եւ դադրի խոչընդոտել Սուրիոյ եւ Լիբանանի մէջ խաղաղութեան հաստատման գործընթացը։
«Թել Աւիւի կառավարութիւնը որպէս տարածաշրջանի «ռազմավարական ապակայունացնող» թէ՛ քաոսի պատճառ է, եւ թէ՛ կը սնուցէ ահաբեկչութիւնը»,-ըսուած է գերատեսչութեան յայտարարութեան մէջ:
