21.09c
Երեվան
ուրբ, ապր 26
Իրանի Իսլամական Հանրապետութեան «Յեղափոխութեան Պահակներ»ը յաջողած են ISIS –ին հետ կապ ունեցող ցանց մը բացայայտել: Այս մասին այսօր յայտարարած է «Յեղափոխութեան պահակներ»ու գլխաւոր հրամանատար Զօր. Մոհամմէտ Ճաաֆարին: Զօրավարը նաեւ ըսած է, թէ յանցախումբին բացայայտումը եղած է Իրաքի հետ սահմանակից Քարմանշահ գաւառին մէջ: Իրանցի զինուորականը նաեւ յայտնած է, որ ISIS անկարող է Իրան թափանցել շնորհիւ իրենց իրականացուցած ապահովական խստագոյն կարգադրութիւններուն: Ան դրուատիքով խօսած է Ռուսիոյ շրջանին մէջ ունեցած դերին մասին հաւաստելով, որ Ռուսիա առաջիննն էր, որ նախազգաց ISIS-ի ու անոր նման ահաբեկչական տարրերու ներկայացուցած վտանգը:
