Այս առաւօտ Հալէպի մէջ իր մահկանացուն կնքած է հալէպահայ Վարդան Մէլքիսէթեան: Հանգուցեալը ծնած է Հալէպ 1950-ին: Ան աւարտած է Հալէպի «Կիլիկեան ճեմարան»ը 1979 թուականին: Վարդան Մէլքիսէթեան երկար տարիներ անդամ եղած է Հալէպի ՀՄՄ-ին եւ որպէս սկատուատական խմբապետ ծառայած է գաղութէն ներս: Նոյնպէս եղած է անդամ «Նոր Սերունդ» մշակութային միութեան եւ «Կիլիկեան Ճեմարան»ի հոգաբարձութեան անդամ: Վարդան Մէլքիսէթեան մաս կազած է Սոցիալ Դեմոկրատ Հնչակեան Կուսակցութեան եւ երկար տարիներ ծառայած է, որպէս նուիրեալ կուսակցական: Վերջին տարիներուն Սուրիոյ պատերազմին հետեւանքով ընտանեօք կը հաստատուի Երեւան: «Արեւելք»ի տիրապետած տեղեկութիւններով հանգուցեալին յուղարկաւորութեան եւ թաղման արարողութիւնը կատարուած են այսօր Հալէպի Սայրաֆի շրջանին մէջ գտնուող Սուրբ Աստուածածին եկեղեցւոյ մէջ: