12.09c
Երեվան
շբթ, ապր 05
Թուրքիոյ ազգային հետախուզութիւնը (MIT) 495,4 միլիոն թրքական լիրա ծախսած է, ինչ որ որակուած է որպէս «գաղտնի ծառայութիւններու ծախս»:
Հաշուիչ պալատի՝ 2021 թուականի Օգոստոսի հաշուետուութեան համաձայն, որուն պատճէնը յայտնուած է Nordic Monitor-ի տրամադրութեան տակ, MIT-ը 495,4 միլիոն թրքական լիրա ծախսած է, ինչ որ որակուած է որպէս «գաղտնի ծառայութիւններու ծախս»: Աւելին, անոր պատկանող հաշիւները աճած են մինչեւ 32,7 միլիառ լիրա՝ նախորդ տարուայ համեմատ 92 տոկոսով աւելի։
2018 թուականին MIT-ը ունէր ընդամէնը 3,8 միլիառ լիրա, սակայն երկու տարուայ ընթացքին գործակալութիւնը վերածուած է հարուստ կազմակերպութեան՝ կարողութիւնը հասցնելով 32,7 միլիառ լիրայի։
Գործակալութիւն լեցուած գումարները եւս մէկ ցուցիչ են այն բանի, որ նախագահ Ռեճեպ Թայիպ Էրտողանի կառավարութիւնը աւելի ու աւելի կ'ապաւինի գաղտնի ծառայութեան՝ հակառակորդները վախցնելու եւ արտերկրի մէջ գաղտնի գործողութիւններ իրականացնելու համար:
Զեկոյցէն կ'երեւի նաեւ, որ 2020 թուականին գործակալութիւնը 1,3 միլիառ լիրա ծախսած է գործնական աշխատողներու վրա, ինչպէս նաեւ 756,1 միլիոն լիրա ծախսած է յօդուածի մը վրայ, որ բնութագրուած է որպէս «չպարզուած»:
