• 86
• 19/02/2025

Հայուհին «Թրոմպինոսքոփի» մրցանակի  «տարուան նախարար»

«Trombinoscope» այս տարուան արարողութեան՝ «տարուան նախարարը» ընտրուած է Ասթրիտ Փանոսեան-Պուվէ, որուն վստահուեցաւ նախկին եւ ներկայի կառավարութիւններուն մէջ՝ Աշխատանքի նախարարուհիի պաշտօնը։

Այս մասին «Արեւելք» տեղեկացաւ Փարիզի «Նոր Յառաջ» պարբերականէն։

Ստորեւ այդ մասին հրապարակուած լուրը՝

«Trombinoscope»-ը հիմնուած է 1981-ին, ոմն Ֆելիքս Գոլէնի կողմէ, որ լրագրող-խորհրդարանական մըն էր։  Նպատակն էր ստեղծել ֆրանսացի քաղաքական գործիչներու (խորհրդարան + կառավարութիւն + պետական հիմնարկութիւններ) անունները մէկտեղող ցանկագիրք մը, հեռաձայնի բաժանորդներու ցանկագիրքի նմանութեամբ։

1992-էն, «Trombinoscope» սկսած է ամէնամեայ արարողութիւններու ընթացքին (« Cérémonie Trombinoscope ») զանազան տիտղոսներ շնորհել տարւոյն լաւագոյն քաղաքական գործիչներուն։ 

Այս տարուան արարողութեան՝ «տարուան նախարարը» ընտրուած է Ասթրիտ Փանոսեան-Պուվէ, որուն վստահուեցաւ նախկին եւ ներկայի կառավարութիւններուն մէջ՝ Աշխատանքի նախարարուհիի պաշտօնը։

Նշենք, թէ ան 2022-2024 եղած է նաեւ նախագահ Մաքրոնի խորհրդականը։ 

Աւելցնենք, թէ նոյն արարողութեան «Տարուան քաղաքական անձնաւորութիւնը» տիտղոսին ալ արժանի նկատուած է հայոց բարեկամ, Ներքին գործոց նախարար Պրիւնօ Ռըթայօ։  

Միացիր մեզ Տելեգրամում

Սեղմել այստեղ

Միացիր մեզ Յութուբում

Սեղմել այստեղ

Միացիր մեզ Տելեգրամում

Միացիր մեզ Յութուբում

Կիսվել