image

«Հայաստանը կը ճանչնայ Ատրպէյճանի հողային ամբողջականութիւնը». Արմէն Գրիգորեան

«Հայաստանը կը ճանչնայ Ատրպէյճանի հողային ամբողջականութիւնը». Արմէն Գրիգորեան

«Հայաստանը ճանաչում է Ադրբեջանի տարածքային ամբողջականութիւնը»,- 30 մայիսին Պրաթիսլաւայի մէջ տեղի ունեցող եւ ապահովական խնդիրներու նուիրուած տարեկան համաժողովին՝ GlobSec-ի ծիրին մէջ կազմակերպուած քննարկման ընթացքին յայտարարեց Հայաստանի Անվտանգութեան խորհուրդի քարտուղար Արմէն Գրիգորեան: Այս մասին կը գրէ  «Ազատութիւն»-ը:

«Յստակ է, որ մենք ճանաչում ենք Ադրբեջանի տարածքային ամբողջականութիւնը։ Եւրոպական Միութեան խորհուրդի նախագահ Միշելի՝ մայիսի 14-ի յայտարարութեանը, օրինակ, յիշատակում էր Հայաստանի 29 հազար 800 եւ Ադրբեջանի 86 հազար 800 քառակուսի կիլոմետր տարածքները։ Մի մակարդակում մենք նման յայտարարութիւններ ենք լսում, միւս մակարդակում Ադրբեջանը, անձամբ նախագահ Ալիեւը երբեք չեն ասում, թէ ճանաչում են Հայաստանի 29 հազար 800 քառակուսի կիլոմետրը: Աւելին, Ադրբեջանի ղեկավարը երկու օր առաջ՝ Կիրակի օրը յայտարարեց՝ «մենք ինքներս կարող ենք գծել սահմանը»: Ինչ-որ առումով սա Հայաստանի հասցէին հնչեցուած սպառնալիք է՝ ընդունել Ադրբեջանի ներկայացրած բոլոր պահանջները կամ էլ նրանք սահմանը կը գծեն, որտեղ ցանկանան», դիմելով քննարկման մասնակիցներուն՝ ըսած է Գրիգորեան եւ պնդած, որ Պաքուէն հնչող նման յայտարարութիւններ չեն կրնար չմտահոգել հայկական կողմը:

Գրիգորեանի զրուցակիցին՝ Ատրպէյճանի նախագահի օգնական, նախագահի աշխատակազմի արտաքին յարաբերութիւններու բաժնի ղեկավար Հիքմեթ Հաճիեւի համաձայն, սակայն, Իլհամ Ալիեւի յայտարարութիւնները Երեւանի մէջ նենգափոխուած են:  

«Ես իրօք ուրախ եմ լսելով, որ հայկական պատուիրակութիւնն ու Հայաստանը աւելի լաւ սկսած են հասկնալ «տարածքային ամբողջականութիւն« բառակապակցութիւնն ու անոր էութիւնը: Մենք երեսուն տարի շարունակ կը բանակցէինք եւ այդ ընթացքին ինքնին Հայաստանն էր, որ կ՛ոտնահարէր տարածքային ամբողջականութեան սկզբունքը: Ատիկա կը վերաբերի Հայաստանի նախորդ կառավարութիւններուն, որոնց կարգին Փաշինեանի կառավարութեան: Երբ Փաշինեան գնաց Ղարաբաղ եւ յայտարարեց, որ «Ղարաբաղը Հայաստան է եւ վեր«ջ, ատիկա բանակցային գործընթացի լիակատար խաթարում էր», պնդած է Հաճիեւ:

Ան նշած է, որ Հայաստան կը շարունակէ «ռազմական բեռներ ուղարկել Ղարաբաղ, կը զօրակցի Ղարաբաղի մէջ գտնուող անօրինական զինուած կազմաւորումները, մենք նաեւ տեղեկութիւններ ունենք, որ այնտեղ հայկական (բանակի) ստորաբաժանումներ կը գտնուին»:

Հայաստանի Անվտանգութեան խորհուրդի քարտուղարը, սակայն, անգամ մը եւս կրկնեց Արցախի մէջ Հայաստանի զինուած ուժերու ստորաբաժանումներու առկայութեան մասին պնդումները իրականութեան չեն համապատասխաներ: