17.09c
Երեվան
երք, հլս 02
ԱՄՆ արտաքին գործոց նախարար Եւրոպայի եւ Եւրասիոյ հարցերով օգնական Ճէյմս Օ՛Պրայըն յունիս 10-12-ը պիտի այցելէ Հայաստան, յայտնած է Արտաքին գործոց նախարարութիւնը։
Օ’Պրայըն կառավարութեան բարձրաստիճան պաշտօնեաներու հետ պիտի քննարկէ Նահանգներու աջակցութիւնը Հայաստանի եւ Ատրպէյճանի միջեւ խաղաղութեան համաձայնագրի ճանապարհի առաջընթացին, ներառեալ՝ Ալմա-Աթայի հռչակագիրը որպէս սահմանազատման հիմք օգտագործելը, ըսուած է Արտաքին գործոց նախարարութեան մամուլի ծառայութեան ուրբաթ օր հրապարակուած յայտարարութեան մէջ։
Արտաքին գործոց նախարարի օգնականը նաեւ պիտի գլխաւորէ հայ-ամերիկեան ռազմավարական երկխօսութեան հանդիպումը, որ պիտի գնահատէ երկկողմ յարաբերութիւններու խորացման գործին մէջ ձեռք բերուած զգալի առաջընթացը եւ պիտի քննարկէ հետագայ քայլերը: Արտաքին գործոց նախարարի օգնական Օ’Պրայըն պիտի հանդիպի նաեւ գործարար համայնքի, քաղաքացիական հասարակութեան ներկայացուցիչներու հետ։
