• 261
• 25/12/2023

ՀԱՄԱՍ կը մերժէ պատանդներու ազատ արձակման վերաբերեալ որեւէ բանակցութիւն

Պաղեստինեան ՀԱՄԱՍ արմատական շարժումը կը մերժէ Կազայի հատուածին մէջ պատանդներու ազատ արձակման վերաբերեալ որեւէ բանակցութիւն, քանի դեռ Իսրայէլը չէ դադրեցուցած ռազմական գործողութիւնները խմբաւորման դէմ։

Այս մասին յայտարարած է ՀԱՄԱՍ-ի արտասահմանեան երկիրներու հետ յարաբերութիւններու ազգային բիւրոյի ղեկավար Ալի Պարաքան, հաղորդած է Yedioth Ahronoth թերթը։

Ինչպէս նշած է հրատարակութիւնը, Լիբանանի մէջ բնակող Պարաքան անդրադարձած է պատանդներու ազատ արձակման շուրջ բանակցութիւններուն եւ ըսած, որ «քանի մը առաջարկներ եղած են, սակայն իրենց դիրքորոշումը պարզ է. նախ անհրաժեշտ է դադրեցնել Իսրայէլի յարձաքումը Կազայի մէջ»:

Ան աւելցուցած է, որ «ՀԱՄԱՍ-ը մերժած է հրադադարի բոլոր առաջարկները վերջին շաբաթներուն, եւ դիմադրութեան բոլոր խմբակցութիւններու դիրքորոշումն այս հարցով միասնական է. յարձակումը պէտք է դադրեցուի, անցակէտերը բացուին, վիրաւորները պէտք է դուրս բերուին»։

Միացիր մեզ Տելեգրամում

Սեղմել այստեղ

Միացիր մեզ Յութուբում

Սեղմել այստեղ

Միացիր մեզ Տելեգրամում

Միացիր մեզ Յութուբում

Կիսվել