3.09c
Երեվան
ուրբ, նմբ 22
Սուրիոյ պատերազմին հետեւանքով Երեւան հաստատուած հալէպահայ պրն. Վահրամը, ծանօթ է մեզմէ շատերուն։
Ան իր ընտանիքը պահելու եւ արժանապատիւ կերպով իր աւուր հացը վաստակելու համար փոքրիկ կրպակ մ՚ունի Երեւանի գետնագնացքի (Մեթրո) «Հանրապետութիւն» կայարանի գետնանցումի տակ, որ նաեւ յայտնի է նաեւ, որպէս «սուրիահայերու փոքրիկ շուկայ»։
Օրերս պրն. Վահրամը տգեղ միջադէպի մը «թիրախ»ը դարձած է եւ հարուածներ ստացած է իր աչքի հատուածէն։
(Տեղեկութիւնը ներկայացուած է հայրենի լրագրող ՝ Մկրտիչ Կարապետեանի կողմէ)։
Եղելութեան ճիշդ պատճառները յստակ չեն, սակայն կ՚ըսուի, որ հարուածները տուող անձը թքած է պրն. Վահրամի կրպակին ուղղութեամբ, որմէ ետք ալ եղած է վէճ ու հարուածներ։
Պարզ չէ, որ պրն. Վահրամ այս հարցով դիմած է արդեօք Երեւանի ոստիկանութեան, սակայն տխուրն այն է, որ անիմաստ տեղը ան կը դառնայ բռնութեան հերթական զոհ։
