-1.91c
Երեվան
շբթ, նմբ 09
Նոյեմբերի 29-ի լույս 30-ի գիշերը Թուրքիայից Հունաստան ծովային ճանապարհով ուղևորվող Թեքեյան ընտանիքի հոր` Հովհաննես Թեքեյանի մարմինը գտնվել է: Այդ մասին «Արեւելքին» տեղեկություն փոխանցեց նրա կնոջ քույրը` Նաիրի Բաթրունյանը: Մեր տեղեկություններով Հովհաննես Թեքեյանը հուղարկավորվելու է Իզմիրի հայկական գերեզմանատանը: Հուղարկավորությունը տեղի է ունենալու վաղը: Դեպքը տեղի է ունեցել Իզմիրի մոտակայքում:
Ավելի վաղ հայտնել էինք, որ մոտ 14 հոգի տեղափոխող լաստանավը Թուրքիայից Հունաստան ճանապարհին անհետացել է: Լաստանավի մեջ են եղել նաև սիրիահայ մի ընտանիքի հինգ անդամներ, որոնցից փրկվել է ընտանիքի 19-ամյա դուստրը` Արինա Թեքեյանը: Նա այժմ մորաքրոջ հետ գտնվում է Իզմիրում, ուր տեղի պիտի ունենա հոր հուղարկավորությունը: Արինայի մոր, եղբոր և տատիկի ճակատագրերը մնում են անհայտ:
