18.09c
Երեվան
ուրբ, ապր 19
Ձեռամբ Տանն Կիլիկիոյ Կաթողիկէ Հայոց 21-րդ Կաթողիկոս Պատրիարք Ամենապատիւ եւ Գերերջանիկ Տ. Ռաֆայէլ Պետրոս Մինասեանի սեպտեմբեր 25-ին օծուեցաւ Ղազանչիի Սուրբ Յովսէփ հայ կաթողիկէ եկեղեցին, համապատարագիչ՝ Հայաստանի եւ Արեւելեան Եւրոպայի Հայ Կաթողիկէ Առաջնորդութեան Առաքելական Կառավարիչ՝ Գերպ. Հայր Միքայէլ Վրդ. Բասսալէի, առընթերակայութեամբ հայ կաթողիկէ հոգեւորականներու: Ինչպէս կը տեղեկացնէ «Արմէնփրէս»-ը եկեղեցին կառուցուած է հայ կաթողիկէ եկեղեցւոյ կողմէ՝ կաթողիկէ միջազգային կառոյցներու հովանաւորութեամբ:
Մինչ այս, քանի որ գիւղը եկեղեցի չէ ունեցած, բնակիչները ժամերգութիւններու ու պատարագներու մասնակցած են Երիտասարդական կեդրոնի սենեակներէն մէկուն մէջ:
«Շնորհակալութիւն եմ յայտնում Հայր Միքայէլին, որ առիթը տուեց վերադառնալու Մայր Հայրենիք ու օծելու այս եկեղեցին: Շնորհակալութիւն եմ յայտնում բոլոր նրանց, ովքեր մասն ունեցան այս եկեղեցին սարքելու մէջ՝ յատկապէս Տէր Գրիգորին ու Տէր Յովսէփին, ովքեր իրենց ամբողջ ժամանակը տրամադրեցին, որ այս Աստծոյ տունը սարքուի եւ տրամադրուի ձեզ ու, ինչպէս Սուրբ Յովսէփը պահեց ու պահպանեց Քրիստոսին ու Աստուածամօրը, այդպէս թող այս եկեղեցին առաջնորդ ու պահապան լինի ձեզ՝ յատկապէս այս դժուար օրերին, երբ մենք այդքան զոհեր տուեցինք հայրենիքի սիրոյ համար: Իմ մաղթանքն է ձեզ, որ նոյն հաւատով ու տոկունութեամբ մնաք եկեղեցու մէջ»,-իր մաղթանքը յղելով եւ շնորհաւորելով հաւատացեալ ժողովրդը՝ նշած Ն.Ս.Օ.Տ.Տ. Ռաֆայէլ Պետրոս ԻԱ-ն:
Գիւղը մինչ այս եկեղեցի չունէր, եկեղեցի եղած է հին գիւղի տարածքին մէջ, ուր հիմա մնացած են միայն աւերակներ: Գիւղի հնաբնակները «Արմէնփրէս»-ին պատմած են, որ այդ հին եկեղեցւոյ մէջ միշտ պատարագներ մատուցուած են: «Ղազանչին տարածքի այն երջանիկ գիւղերից է, որտեղ քահանայական տոհմ է ապրել, քահանաներ՝ հայր ու որդի, պատարագներ ու ծէսեր են միշտ մատուցուել: Այսօր մեր գիւղի բնակչութեան երազանքը կատարուեց ու մեր առջեւ եկեղեցւոյ դռները բացուեցին»,- ըսած է Ղազանչի գիւղի բնակիչ Մկրտիչ Ապրէեանը:
Գիւղին մէջ եկեղեցի կառուցել նախատեսուած էր դեռ 2014 թուականին, սակայն շինարարական աշխատանքները մեկնարկեցին 2020 թուականի մայիսին՝ այն ժամանակ թեմի Առաջնորդ Արհի. Տէր Ռաֆայէլ Արք. Մինասեանի ջանքերով, իսկ 2021 թուականի նոյեմբերի 20-ին, ձեռամբ Առաջնորդական Տեղապահ Գերհ. Հ. Գառնիկ Ծ. Վրդ. Յովսէփեանի եւ առընթերակայութեամբ հայ կաթողիկէ հոգեւորականներու տեղի ունեցաւ նորակառոյց Սուրբ Յովսէփ հայ կաթողիկէ եկեղեցւոյ խաչի օծման արարողութիւնը։
Ղազանչի գիւղը հիմնադրուած է 1857թ. Արեւմտեան Հայաստանի Ալաշկերտի գաւառի Իրիցու գիւղէն գաղթած հայերու կողմէ: Բնակավայրը ուղիղ գծով հեռու է Վրաստանի սահմանէն 7 քմ, իսկ Թուրքիոյ սահմանէն՝ 20 քմ:
Արմենուհի Մխոյեան
