19.09c
Երեվան
հնգ, ապր 03
Գանատայի Հայոց Թեմի Ազգային Առաջնորդարանի Հայեցի Դաստիարակութեան Բաժանմունքի նախաձեռնութեամբ, օրերս, լոյս տեսած է «Դէպի Աստուծոյ Նստավայր…» պատանեկան տարիքին յարմար արկածախնդրական-երեւակայական վիպակը, որ ուշագրաւ է Հայոց Պատմութեան կարեւոր դէպքերը ներկայացնելու իր նոր մօտեցումով:
Այս մասին «Արեւելք» տեղեկութիւններ քաղեց Գանատայի «Հորիզոն» պարբերականէն, որուն կողմէ ալ տարածուած լրատւութիւնը կը ներկայացնենք ստորեւ՝
Հովանաւորութեամբ՝ Գանատայի Հայոց Թեմի բարեխնամ Առաջնորդ Գերաշնորհ Տ. Բաբգէն Արքեպիսկոպոս Չարեանի, նախաձեռնութեամբ՝ Ազգային Առաջնորդարանի Հայեցի Դաստիարակութեան Բաժանմունքին, լոյս կը տեսնէ «Դէպի Աստուծոյ Նստավայր…» պատանեկան տարիքին յարմար արկածախնդրական-երեւակայական ժանրի ելեկտրոնային նկարազարդ նոր գիրքը, որ ուշագրաւ է իր հետաքրքրական բովանդակութեամբ ու Հայոց Պատմութեան կարեւոր դէպքերը ներկայացնելու իր նոր մօտեցումով:
Գիրքը իր բովանդակութեամբ սկիզբ կ՚առնէ Վանի թագաւորութենէն՝ հասնելով 1988 թուականի Արցախի ազատագրական պայքարին։ Խումբ մը սփիւռքահայ երեխաներ, իրենց ծնողներուն հետ կը ժամանեն Հայաստան՝ «Աստուծոյ Նստավայր», եւ հրաշքով կը մասնակցին պատմութեան կարեւոր իրադարձութիւններուն։ Արփի Վանեանի (Հայաստան) հեղինակած արեւելահայերէն գիրքը, արեւմտահայերէնի վերծանած ու խմբագրած է Նայիրի Մկրտիչեան, նկարազարդած է` Շուշան Գէորգեան։
Մենք կը հաւատանք, որ այս հրատարակութիւնը իր մատչելիութեամբ եւ հետաքրքրական ոճով պիտի մղէ, որ մեր երեխաները սիրեն ու ըմբռնեն մեր պատմութիւնը եւ հպարտանան իրենց հայկական ինքնութեամբ։
Գիրքը առցանց կարդալ այս յղումով`
