11.09c
Երեվան
շբթ, մյս 16
Ֆրանսայի մէջ եօթերորդ անընդմէջ բողոքի ցոյցերը կ'ընթանան առողջապահական անցաթերթիկներուն եւ «Քորոնա» ժահրի պատուաստումներու հարկադրանքին դէմ, յայտնած է Associated Press-ը:
Ֆրանսայի հարաւը գտնուող Էքս-ան-Փրովանս քաղաքին մէջ մեկնարկած է երթը, որուն, ըստ Twitter-ի լուսանկարներուն եւ տեսանիւթերուն, կը մասնակցին հարիւրաւոր մարդիկ: Լիոնի մերձակայ Ուիլֆրանշ-սիւր- Սաոն համայնքին մէջ ցուցարարները գրաւած են քաղաքապետարանի շքամուտքը եւ վանկարկած են «Ազատութիւն» կարգախօսը, տասնեակ մարդիկ դուրս եկած են հարաւային Նարպոնի փողոցները:
Ֆրանսայի հարաւային քաղաքներուն մէջ քանի շաբաթ է մեծ երթեր կ'ընթանան առողջապահական անձնագիրներու հակառակորդներուն դէմ: Օրինակ, Մոնփելյէի իշխանութիւնները կը սպասեն մինչեւ 9 հազար մարդ, մինչդեռ Թուլոնի վարչակազմը կը պատրաստուի փողոց իջեցնել մօտ 5.5 հազար ցուցարար, որոշ քաղաքներու մէջ բողոքի ցոյցերը սկսած են առտու կանուխէն:
