-2.91c
Երեվան
շբթ, դկտ 20
«Մեծ եօթնեակ»ի երկիրներու եելւմուտքի նախարարները Մոսկուային նախազգուշացուցած են «արագ, միասնական արձագանգով» այն պարագային, եթէ ռուսական բանակը համարձակի ներխուժել Ուքրանիա:
«Տնտեսապէս աւելի զարգացած եօթը երկիրները Գերմանիոյ նախագահութեամբ ընդունած են համատեղ յայտարարութիւն, յստակ նկատել տալով, որ պատրաստ են միասնական եւ շատ արագ արձագանգելու, եթէ ռուսական բանակը հատէ Ուքրանիոյ սահմանը: «Եօթնեակը» հազուադէպ հանդէս կու գայ նմանօրինակ յայտարարութիւններով, սա այն պահն է, երբ անհրաժեշտ է ուղիղ յայտնել մեր դիրքորոշման մասին», ըսած է Գերմանիոյ ելեւմուտքի նախարար Քրիսթիան Լինտնըր:
Անոր խօսքով, «Մեծ եօթնեակ»ը պիտի շարունակէ սատարել Ուքրանիոյ տնտեսութեան զարգացման եւ ուշադրութեան կեդրոնին պիտի պահէ այդ երկրի ֆինանսական կայունութիւնը:
«Ռուսաստանը պարտաւոր է իմանալ, որ միջազգային օրէնքները խախտելու եւ Ուքրանիոյ վրայ յարձակելու պարագային պիտի ըլլայ արագ ու միասնական արձագանգ», ըսած է Լինտնըր:
«Մեծ եօթնեակ»ը կը սպառնայ հարկ եղած պարագային Ռուսաստանի նկատմամբ սահմանել «աննախադէպ ծանր տնտեսական եւ ֆինանսական պատժամիջոցներ»:
