15.09c
Երեվան
շբթ, մյս 03
Երուսաղեմի Սրբոց Հակոբյանց Միաբանությունից տեղեկանում ենք, որ Երուսաղեմի Հայոց Պատրիարք Տ. Նուրհան Արք. Մանուկյանը նամակ չի գրել ՀՀ վարչապետ Նիկոլ Փաշինյանին եւ չի պահանջել Վեհափառ Հայրապետի հրաժարականը: Այս հայտարարության համար հիմք է հանդիսացել Հայաստան ուղարկված մի նամակ, որը ոմանք վերագրել են պատրիարքին: «Նամակը կեղծ է»,-տեղեկացնում են միաբանությունից:
Երեկ «Հայկական ժամանակ» օրաթերթը հրապարակել էր Նիկոլ Փաշինյանին ուղղված կարգալույծ հոգեւորական Նշան Հովհաննիսյանի (հոգեւորական անունով Խորեն վարդապետ Հովհաննիսյան) նամակը, իսկ որոշ կայքեր այն արտատպել են՝ փոխելով նամակի հեղինակի անունը: Այդ նամակում Նշան Հովհաննիսյանը քննադատում էր Ամենայն Հայոց կաթողիկոսին: Երուսաղեմից տեղեկացրին, թե հայաստանյան կայքերը կեղծել են նամակը եւ այն ներկայացրել իբրեւ Երուսաղեմի հայոց պատրիարքի նամակ: Մինչդեռ, Երուսաղեմի հայոց պատրիարքը Նիկոլ Փաշինյանին միայն շնորհավորական նամակ է հղել:
