29.09c
Երեվան
հնգ, հնս 26
Թուրքիոյ նախագահ Ռեճեպ Թայիպ Էրտողան կտրականապէս կը մերժէ ֆինանսական ճգնաժամի կապակցութեամբ երկրին մէջ արտահերթ ընտրութիւններ կայացնելու տարբերակը:
Թուրքիոյ ազգային տարադրամը՝ լիրան, անցնող շաբաթներու ընթացքին աննախադէպ արժեզրկուած է, ինչ որ սոցիալական լայնածաւալ բողոքներու պատճառ դարձած է: Կ'ենթադրուի, որ տարադրամի արժեզրկումը Թուրքիոյ կառավարութեան ցուցումներով առաջնորդուող Կեդրոնական դրամատան քաղաքականութեան հետեւանքն է:
Այս շաբաթ լիրան սկսած է վերականգնուիլ այն բանէն ետք, երբ կառավարութիւնը խոստացած է հատուցել դրամատուներուն մէջ ազգային տարադրամով պահուող աւանդներուն կորուստը եւ սատարել գործարարներուն:
«Ես կը յայտարարեմ, որ ընտրութիւնները տեղի պիտի ունենան նախատեսուած ժամկէտին՝ 2023 թուականի Յունիսին: Որեւէ արտահերթ ընտրութիւն պիտի չըլլայ, ես վերջակէտ կը դնեմ այս հարցին», ըսած է Էրտողան «Արդարութիւն եւ զարգացում» իշխող կուսակցութեան խորհրդարանական խմբակցութեան նիստին ընթացքին:
