Հրատապ լուրեր:

«Երբ Քեսապը ինկաւ, հեռաձայնեցինք եւ մեզի պատասխան տուողները մեր թիւրքմէն գործաւորները եղան».Ստեփան Աբէլեան

 «Երբ Քեսապը ինկաւ, հեռաձայնեցինք եւ մեզի պատասխան տուողները մեր թիւրքմէն գործաւորները եղան».Ստեփան Աբէլեան

Քեսապի տխուր դէպքերէն անցած են 7 տարիներ։

7 Տարի առաջ այս օրերուն  աստանդական Սուրիոյ հայկական մէկ դրախտային անկիւն  համարուող Քեսապը դարձաւ յարձակման թիրախ։ 

 Աւանը դատարկուեցաւ, հայութիւնը դարձաւ գաղթական, իսկ ահաբեկիչ զինեալներ հայապատկան բնակարանները  կողոպտելէ անդին, պղծեցին մեր եկեղեցիներն ու խորանները։

Տակաւին պիտի անդրադառնանք Քեսապի խնդրին, բայց եւ այնպէս վերյիշելու համար Քեսապի դէպքերը եւ այդ դէպքերուն հետեւանքով ստեղծուած դառն իրավիճակը մեր ընթերցողներուն կը ներկայացնենք այդ մասին  եղած գրառում մը, որ հրապարակուած է Քեսապի յարձակման ենթարկուելէն անմիջապէս ետք։ Գրութիւնը կը պատկանի Քեսապահայ յարգուած անձանաւորութիւն՝ գործարար Ստեփան Աբէլեանի գրչին։

 

 Ստեփան Աբէլեան կը գրէ՝

 

 Քեսապի 

Իմ կարծիքով ,պարզապէս Թրքական նկարագրի արտայայտում: Մի Քանի Երեւոյթներ, կարգ մը բացատրութիւններ կրնան ենթադարել տալ :Նախ Արշաւին անուանակոչումը Ալ ԱնՖԱԼ ինչ որ Կրօնական բացատրութիւն ունի եւ իմաստ-----Կողոպուտ ,Թալան,աւեր, առեւանգում ....ինչ որ ճշգրտօրէն գործադրուեցաւ։ Ապա Քեսապ որպէս Հայկական աւան Թուրքիոյ քթին տակ հանդուժելի չէր օրէն , հետեւաբար այս սուրիական վիճակը յարմարագոյն առիթն էր որ կեանքի բոլոր ազդակները ,հիմքերը ,ենթակառոյցը քանդուին։Առեւտրական բոլոր կառոյցները՝ պանդոկներ, ճաշարաններ ,խանութներ հրկիզուին կողոպտելէն ետք : Ազգային եւ կրօնական կրթական եւ մշակութային բոլոր կառոյցները անխտիր կործանուած ,հրկիզուած եւ անշուշտ թալանուած:Պարտէզները,երկրագործական գոյքերը_ գորիծքները, մեքենաները նմանապէս թալանուած եւ հրկիզուած:Այսինքն մէկ խօսքով երբ բնակարաններն ալ բոլորովին կողոպտուած, իսկ այն գոյքերը որ դժուար փոխադրելի էին ջարդուած ու քանդուած։

Այս բոլորը յստակ տուեալներ են կեանքի հիմնական բոլոր աղբիւները եւ եկամուտի միջոցները չորցնելու, որպէսզի երկար տարիներ մեր հայաշունչ Քեսպի մէջ կեանքի կարելիութիւնները չքանան։ Զինուորական ոչ մէկ իրագործում , սթրաթէժիք ոչ մէկ օգուտ ,ինչ որ մենք մտահոգուած էինք որ օտար գաղթականներ կրնան բնակեցնել հազարաւոր դատարկ բնակարաններուն մէջ մօտակայ Օրտու շրջանէն, ուր գաղթանականներու հսկայ վրանաքաղաքներ կան։ Մեր այդ մեր մղձաւանջը փառք Աստուծոյ չպատահեցաւ, ուրեմն ինչ որ իրկանացաւ ռազմականօրէն , երբ Քեսապը արդէն զինեալ վտանգ մը չէր ոչ Թուրքիոյ ոչ ալ ընդիմադիրներուն : Մեր գիւղին աշխատաւոր դասակարգը մօտաւորապէս 90 տոկոս թիւքմէններ էին , միշտ նախանձով եւ կիրքով կը վարուէին , երբեմն թաքուն սպառնալիքներով։ Այդ հատուածը որպէս թէ ազատութիւն եւ արժանապատւութիւն պահանջող այսպէս կոչուած սուրիական յեղափոխութեան հատուածին միացան թուրքիա փախչելով, դատարկեցին մօտակայ բոլոր թիւրքմէն գիղերը եւ հեռացան...։Իսկ վերջին փախչողները եղան Քեսապ գտնուողները, որոնց մէջ ալ իմ գործաւորներս :Այս նրբութիւնները եւ մանրամասնութիւնները մեզ միշտ կասկածի մէջ թողած էին, այդ անհիմն յեղափոխութիւն կոչուած ոճրային քայլին նկատմամբ:Այդ թիւրքմէններէն շատեր մեր հետ կապուելով իրենց գործատէրերուն իմացուցած էին թէ շուտով պիտի գան եւ տէր դառնան մեր ինչքերուն եւ ստացուածքին , այս բաները բացէ ի բաց կը խօսէին...։ Երբ Քէսապը ինկաւ քեսապցիներէն շատեր իրենց տուները հեռաձայելով կապուեցան եւ պատասխանողները մեր գործաւորներն էին։