21.09c
Երեվան
կրկ, հնս 23
Երեւանի մէջ հաստատուած սուրիահայ Անժելա Աճէմեանն ու անոր երեք երեխաներն այուհետեւ վարձով պիտի չբնակին: Բարերար Նարինէ Դաւթեանի գլխաւորութեամբ, հիմնական Ռուսաստան բնակող խումբ մը նուիրատուներ գումար հաւաքած են եւ բնակարան գնած պատերազմի պատճառով Հայաստան տեղափոխուած ընտանիքին համար: Բնակարանն այս պահուն կը նորոգուի եւ մէկ ամիսէն ընտանիքը պիտի տեղափոխուի կահաւորուած տուն: Նարինէ Դաւթեանը յաջողած է հովանաւորներ գտնել նաեւ նորոգման եւ տան կահաւորման համար:
Նշենք, որ մէկ տարի առաջ Նարինէ Դաւթեանի նախաձեռնութեամբ բնակարան գնուած է նաեւ սուրիահայ մէկ այլ ընտանիքի՝ Թամար եւ Պաղտասար Սարգսեաններու համար, որոնք նոյնպէս երեք երեխայ ունին:
Անժելա Աճէմեանի ընտանիքը Սուրիոյ պատերազմի ժամանակ անցած է դաժան ճանապարհով. անոր ամուսինին եւ վերջինիս հօրը առեւանգած եւ կրօնափոխ չըլլալու համար սպաննած են: Ծանր ապրումներէն ետք Անժելան կրցած է երեխաներու հետ հասնիլ Հայաստան:
